Mihaylo Gorın’
Gorın' Mihaylo Mıkolayovıç (1930, iyün 17, Lvov vilâyeti, Jidaçiv rayonı, Kniselo k. —2013 s. yanvar 13, Lvov).
Altmışıncı senelerniñ faallerinden biri, samizdat ve uquqqoruyıcı areketiniñ faal iştirakçisi, ukrainalı siyasiy mabus.
Galıçinada, köylü "Просвітa" ("Maarif" manasında) teşkilâtı başlığınıñ, Poloniya ve Sovet akimiyetleri tarafından repressiyağa oğratılğan yerli ОУН ağı iştirakçisiniñ qorantasında doğdı. Yaş bala çağından çoq meşaqatlarğa oğradı: 1944 senesinde Gorın'lerniñ qorantasını Sibirge sürgün ettirmek kerek ediler, amma olar saqçılardan qaçıp yetiştirdiler ve bir taqım vaqıt gizlenip yaşağan ediler.
1953 senesinde Lvov universitetiniñ logika ve psihologiya bölüginde oquğan vaqıtta, komsomolğa kirmekni red etkeni içün, oquv yurtundan çıqarıldı. Ukrain gizli teşkilâtlarnen bağ tutıp turmaqta edi, sovet akimiyetine qarşı beyanatlar azırlap darqata edi. Universitetini bitirip, orta tasil oquv yurtlarında ocalıq yaptı, mektep müdiri, metodist ve rayon tasil bölüginiñ inspektorı vazifelerinde çalıştı, Lvov avtoyükleyici zavodı yanındaki Emek psihologiyası, fiziologiyası ve gigiyenasını ögrengen ilmiy-ameliy eksperimental laboratoriyasında ilmiy işnen meşğul edi.
1962 senesinde Lvovda "Пролісок" ("Aqbardaq") adlı İcadiy yaşlarnıñ klubınıñ teşkilâtçılarından biri oldı, samizdat metinlerini aktiv tarzda darqatmaqta edi.
1965 senesiniñ avgust ayında "sovet ükümetine qarşı agitatsiya ve propaganda"da qabaatlanıp, qattı nizamlı lagerlerde 6 yılğa mahküm etildi. Ceza müddetini Mordoviya lagerlerinde keçirdi, amma mabusler dairesinde propaganda ve samizdat eserlerini darqatqanı sebebinden, 1967de oña Vladimir ş. bastırığında daa 3 sene apis müddeti qoşuldı.
1976 seneside Ukrainadaki Helsinki gruppasınıñ esas temel vesiqalarınıñ işlenmesinde iştirak etti. UHGnıñ esasçıları yaqalanğan soñ, gruppanıñ malümat bülletinini çıqarğan edi. 1982 senesiniñ iyün 25-te hususiy nizamlı lagerlerde 10 yılğa ve 5 yıl sürgünlikke mahküm etilgen edi, hususan zararlı retsidivist, dep ilân etildi. Ekinci müddetini Perm vilâyeti, Çusov rayonı, Küçino köyünde, VS-389/36 lagerinde keçirgen edi, 1987 senesi iyün 2 künü mefa qararı boyunca azat etildi ve 1990 senesinde reabilitatsiya oldı.
1988 senesi sentâbr ayında ukrainalı siyasiy mabusler qorçalavı boyunca İş gruppasınıñ başlığı oldı, o zamandaki SSRBde faaliyet köstergen demokratik areketlerniñ çoq muşaverelerinde iştirak etken edi. Yılından Ukraina Halq Areketiniñ (НРУ) kâtipliginiñ başı vazifesine saylanğan edi, НРУnıñ siyasiy şurasınıñ ve fırqanıñ yolbaşçılarından biri oldı.
1990-ncı senesinden başlap 1994 senesinece, Ukrainanıñ Yuqarı Şurası deputatı edi, Ukrainadan tış yaşağan milletdeşlernen bağlar boyunca komissiyanıñ yanında çalışqan bölükniñ reisi edi, Ukrainanıñ mustaqilligini pekitmek maqsadınen bir sıra umumdevlet aktsiyalarnıñ teşebbüsçisi ve teşkilâtçısı oldı. Lvovda, 2013 senesinde keçindi, Lıçakov mezarlığında cıyılğan.
Повне інтерв'ю читайте у книзі "Дисиденти".
